Cómo liberar o potencial do voso neno

Cómo liberar o potencial do voso neno é un libro práctico para os pais, con moitos consellos para pór en práctica co neno, actividades sinxelas con obxectos que é doado atopar pola casa e suxestións inspiradas nos principios de filosofía montessoriana, que considera que o cativo necesita un ambiente adicado a el e preparado con tento, con moitas actividades diferentes para que el mesmo escolla a máis axeitada segundo a súa necesidade de tocar, manipular, explorar con todos os sentidos, alimentando e sostendo a evolución natural do crecemento de cada pequeno.

Na primeira parte, a autora asenta un pouco as súas ideas sobre a mellor maneira de educar os nenos, explica os principios da filosofía Montessoriana, acompañándoos dunha xustificación que os apoia e describe os materiais necesarios para realizar as actividades que suxire o libro. Na segunda parte, propón actividades e consellos para estimulalos e axudar a que desenvolvan diversas destrezas de forma autónoma. En cada actividade explica cales son os seus beneficios, porque facela dun xeito e non doutro, os materiais precisos e a fase de desenvolvemento na que mellor pode funcionar.

Actividades inspiradas no método Montessori. 0-2 anos

Catro Ventos Editora